Тоглоом хөгжүүлэгч болон 3D уран бүтээлчдэд зориулсан World Gacha хэмээх сонирхолтой бөгөөд бүрэн үнэгүй веб хэрэгслийг бие даасан хөгжүүлэгч Sharp (@sharp_maker) танилцууллаа. Уг хэрэгсэл нь ямар нэгэн программ суулгах шаардлагагүйгээр веб хөтөч болон гар утас дээр шууд ажилладаг бөгөөд англи хэлний цэс нэмэгдсэнээр олон улсын уран бүтээлчдэд бүрэн нээлттэй болжээ.
World Gacha нь санамсаргүй тооны үр (random seeds) болон газрын гадаргын элэгдлийн симуляц (erosion simulation) дээр тулгуурлан уул толгод, гол мөрөн, авто замын сүлжээ болон барилга байгууламж бүхий зохиомол хотуудыг хормын дотор байгуулдаг. Хэрэглэгч хулганаараа эсвэл утасныхаа дэлгэцийг чимхэн томруулж, хотыг дээрээс нь бүхэлд нь харахаас гадна гудамжны түвшинд (street level) бууж барилгуудын дундуур явж үзэх боломжтой.
Энэхүү хэрэгслийн хамгийн практик давуу тал нь үүсгэсэн 3D хотын загвараа GLB, FBX болон OBJ форматаар шууд татаж аваад арилжааны зориулалтаар (free for commercial use) үнэ төлбөргүй ашиглах эрхтэй явдал юм.
Дүгнэлт: AI видео болон 3D хүүхэлдэйн (anime)йшн бүтээгчид World Gacha программаар хотын ерөнхий геометрийг үүсгэн Blender рүү импортолж, улмаар Claude эсвэл GPT-ийн Blender MCP системтэй холбон гэрэлтүүлэг, материал болон камерын өнцгийг автоматаар тохируулан AI видеоны суурь жишиг орчин (reference environment) болгон ашиглахад маш үр дүнтэй хэрэгсэл болж байна.
