Alibaba компанийн Qwen судалгааны баг өөрсдийн 7 тэрбум параметртэй дүрслэлийн үүсгэлтийн архитектурыг хурдасгасан Qwen-Image-2.1-Turbo загварыг нээлттэй жинтэйгээр (open weights) болон Alibaba Cloud Model Studio API хэлбэрээр зэрэг танилцууллаа.

Qwen-Image-2.1-Turbo: Нарийн бичвэртэй зурагт хуудас, мэдээллийн зураглал болон дизайны үүсгэлт.
// Qwen-Image-2.1-Turbo: Нарийн бичвэртэй зурагт хуудас, мэдээллийн зураглал болон дизайны үүсгэлт.

Ердийн тархалтын (diffusion) загварууд өндөр чанартай зураг гаргахын тулд 30–50 алхам тооцоолол хийдэг бол Qwen-Image-2.1-Turbo нь ердөө 8 denoising алхмаар 2K нягтаршилтай зураг үүсгэж, засварладаг. Загвар нь анхдагч байдлаар CFG=1 тохиргоотой ажилладаг бөгөөд Prefix KV Caching механизмын тусламжтайгаар текстийн команд (prompt) болон лавлах зургийн контекстийг алхам бүрд дахин тооцоололгүйгээр дахин ашиглаж, санах ой болон хугацааг эрс хэмнэдэг байна.

Qwen-Image-2.1-Turbo загварт өгсөн эх зураг болон байгалийн хэлний командаар орчныг өөрчлөх туршилт.
// Qwen-Image-2.1-Turbo загварт өгсөн эх зураг болон байгалийн хэлний командаар орчныг өөрчлөх туршилт.

Хөгжүүлэгчид уг загварыг Hugging Face Diffusers сангийн QwenImage21Pipeline ангиллаар шууд дуудаж ажиллуулах боломжтой бөгөөд Hugging Face Spaces дээрх туршилтын апликейшнаар химийн хичээлийн самбарын зурагт хуудас, тунгалаг дэвсгэртэй (transparent background) хүүхэлдэйн (anime) дүр, мөн аяллын төлөвлөгөөний гар утасны UI интерфейсийг өндөр нарийвчлалтайгаар үүсгэж харуулсан байна.